Atyraýda halyqaralyq izdeýde júrgen Ózbekstan azamaty ustaldy
Oblystyq Poltsııa departamenti baspasóz qyzmetiniń málimetine súıensek, kóshi-qon qyzmeti bóliminiń qyzmetkerleri halyqaralyq izdeýde júrgen Ózbekstan azamatyn ustaǵan.
«Ózbekstan Respýblıkasynyń azamaty Atyraý qalasynda ýaqytsha turý úshin tirkelmek bolǵan. Alaıda, kóshi-qon bóliminiń qyzmetkerleri halyqqa qyzmet kórsetý ortalyǵynda onyń qujattaryn tekserý kezinde halyqaralyq izdeýdegi azamat ekenin anyqtaldy. Belgili bolǵandaı, 32 jastaǵy er adam Mordovııa Respýblıkasynda RF Qylmystyq Kodeksiniń 291-babynyń 1-bólimimen aıypty dep tanylǵan» -dep habarlady departamenttiń baspasóz qyzmeti.
Bir jyl buryn quqyq qorǵaý organdary ózbekstandyq azamatqa halyqaralyq izdeý jarııalaǵan.
Eske sala ketelik, buǵan deıin Atyraýda halyqaralyq izdeýde bolǵan sheteldik azamattar ustalǵan bolatyn.