Atyraýda halyqaralyq izdeýde bolǵan sheteldik azamattar ustaldy
ATYRAÝ. QazAqparat – Atyraý qalasynda halyqaralyq izdeýde bolǵan sheteldik azamattar ustaldy, dep habarlaıdy QazAqparat.
Atyraý oblystyq polıtsııa departamenti baspasóz qyzmetiniń habarlaýynsha, shetel azamattary «Іzdeý» arnaıy operatsııasynyń barysynda anyqtalyp, ustalǵan. Olardyń biri – Ózbekstan eliniń 38 jastaǵy azamaty Reseı Federatsııasy Qylmystyq kodeksi 160-babynyń 4-bólimi («Asa iri kólemdegi ózgeniń múligin ıemdený») boıynsha halyqaralyq izdeýde bolǵan. Ózbekstan eliniń taǵy bir azamaty, 36 jastaǵy er adam Ózbekstan Respýblıkasy Qylmystyq kodeksiniń 165-baby («Bopsalaýshylyq») boıynsha izdestirildi.
Ustalǵandar týraly aqparat QR Іshki ister mınıstrligi, Reseı jáne Ózbekstanǵa joldandy.
