Atyraýda halyqaralyq balalar óneri festıvali bastaldy
ATYRAÝ. QazAqparat - Atyraýda «Almaly.KZ» balalar shyǵarmashylyǵyna arnalǵan halyqaralyq óner festıvali bastaldy, dep habarlaıdy QazAqparat tilshisi.
Bul dúbirli dodany «Tańsári» balalar mıýzık-shoý teatry, QR Mádenıet jáne sport mınıstrligi men QR Bilim jáne ǵylym mınıstrligi, Atyraý oblystyq ákimdigi jáne Atyraý qalasy ákimdigi qoldaýymen uıymdastyrdy.
Baıqaýǵa bıyl elimiz boıynsha 550 ónerpaz óren kelgen. «Vokal», «Horeografııa»,«Akterlik sheberlik» sekildi atalymdardyń jeńimpazdary halyqaralyq baıqaýda baq synaıdy.
«Almaly.kz» festıvaliniń dırektory Shárbat Bısalıevanyń aıtýynsha, balalardyń óner festıvali Atyraýda ekinshi ret ótip jatyr. Bul baıqaýdy arnaıy ákimshiliktiń qoldaýymen ótkizip, saltanatty túrde ortalyq alańda ashyp jatyrmyz. Byltyr júldegerlerimiz «Slavıan bazaryna» baryp, Qazaqstannyń atynan ónerlerin kórsetti.
Makedonııa eline baryp, halyqaralyq festıvaldyń bas júldesin jeńip aldy. Festıvalǵa elimizdiń ár óńirinen kelgen ónerpazdar qatysatyn bolady. Jas ónerpazdarǵa Qazaqstan, Grýzııa, Belarýs, Ýkraına, Reseı, Makedonııa jáne Serbııa elderinen kelgen ádilqazylar tórelik etedi.
Abaı Abylaıuly
