Atyraýda halyqaralyq balalar festıvali ótedi
ATYRAÝ. QazAqparat - Atyraýda «Almaly.kz» V halyqaralyq balalar óner festıvali 1-5 mamyr aralyǵynda Qazaqstannyń birligi kúni merekesi aıasynda ótedi dep habarlaıdy QazAqparat óńirlik kommýnıkatsııalar qyzmetine silteme jasap.
Bul dúbirli dodaǵa «Tań sári» balalar mıýzık-shoý teatry, QR Mádenıet jáne sport mınıstrligi men QR Bilim jáne ǵylym mınıstrligi, Atyraý oblystyq ákimdigi jáne Atyraý qalasy ákimdigi qoldaýymen ótkeli otyrǵan saıysqa elimizdiń shyǵarmashylyq ujymdary shaqyrylǵan.
«Qatysýshylar «Vokal», «Horeografııa»,«Akterlik sheberlik» nomınatsııalary boıynsha synǵa túsedi. Baıqaý bolashaqtaQazaqstan atyn balalar arasyndaǵy iri halyqaralyq baıqaýlarda qorǵaıtyn myqtylardy anyqtaýǵa kómektesedi. Odan bólek, baıqaýdyń basty maqsaty -memleketter arasyndaǵy birlikti nyǵaıtý», - deıdi baıqaý uıymdastyrýshylary.
Baıqaý uıymdastyrýshylarynyń aıtýynsha, Qazaqstan, Belarýs, Grýzııa, Reseı, Ýkraına, Makedonııa jáne Serbııa Respýblıkalaryndaǵy óner salasynda eńbek etip júrgen óner qaıratkerleri baıqaýda tórelik etpek.
Aıta ketken jón, úmitkerler tirkelýine bir kún qalǵanǵa deıin repertýar ózgertýgemúmkindikteri bar.
Baıqaýǵa qatysý úshin Word formatynda «Almaly.kz»-ǵa ótinish nusqamasymen tansaria@mail.ru elektrondy pochtasynda qabyldanady.
Avtory: Abaı ABYLAIULY
