Atyraýda Halel Dosmuhamedovtyń 135 jyldyǵyna oraı halyqaralyq ǵylymı-konferentsııa ótti
ATYRAÝ. QazAqparat - Atyraýda qoǵam qaıratkeri, ǵalym Halel Dosmuhamedovtyń 135 jyldyǵyna oraı «Halel Dosmuhamedov - Uly murat jolynda» atty halyqaralyq ǵylymı-praktıkalyq konferentsııa uıymdastyryldy, dep habarlaıdy QazAqparat tilshisi.
Alash qozǵalysy kóseminiń eńbekteri men ǵylymı dara jolyn taldaý úshin Tashkent, Reseı, Túrkııa, Ózbekstan, Qyrǵyzstan memleketterinen jáne Qazaqstannyń birqatar qalalarynan ǵalymdar men professorlar munaıly astanada bas qosty.
Oblys ákimi Nurlan Noǵaev qatysqan plenarlyq májiliste Halel Dosmuhamedulynyń eńbekterin baıandaýmen qatar, ǵalym eńbekterin jastar arasynda nasıhattaý máselesi sóz boldy.
«Qazirgi jahandaný kezeńinde de sonaý jyldary Halel Dosmuhamedov bastaǵan Alash zııalylarynyń bastamalary men ıdeıalary, el, jer, táýelsizdik tarıhy árqashan sanamyzda jańǵyrady. Ǵalamnyń ómirin, oǵan qatysty barlyq maǵlumattardy ıgergen mamansyzdar. Jańa bilim men jańashyl oılar talqyǵa túsip, búgingi kóterilgen máseleler konferentsııa qorytyndysy boıynsha sheshimin tabatynyna senemin», - dedi aımaq basshysy Nurlan Asqaruly.
Konferentsııa aıasynda shetelden kelgen jáne jergilikti mamandar baıandamalaryn oqyp, ortaq oı tastap, ǵalymnyń ǵylym jolyndaǵy derekterin jańǵyrtty.
Jıynnan soń kelgen qonaqtar qaladaǵy arnaýly oqý oryndarynda «Haleltaný» kýrstaryn ótkizip, stýdentterge arnaıy dáris oqydy.
