Atyraýda grepplıngten Azııa chempıonyn atyp ketti
ATYRAÝ. QazAqparat –Atyraýda belgili sportshy, grepplıngten Azııa chempıony Esenbek Sıǵýatov oq tıip, kóz jumdy. Ony óltirgen 36 jastaǵy azamat qamaýǵa alyndy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, qylmystyq oqıǵa 9 tamyzda saǵat 03:10 shamasynda Atyraý qalasynyń mańyndaǵy Damby aýylynda bolǵan.
«Aýyldyń eki turǵyny arasynda kelispeýshilik týyndaǵan. Onyń biri atys qarýyn qoldanyp, saldarynan 2002 jyly týǵan azamat oqtan dene jaraqatyn alǵan. Keıin aýrýhanada qaıtys bolǵan. Polıtsııa qyzmetkerleri asa aýyr qylmys jasaǵan kúdiktini izin sýytpaı anyqtady. 1994 jyly týǵan azamat ýaqytsha ustaý ızolıatoryna qamaýǵa alyndy» -dedi departamenttiń baspasóz qyzmeti.
Qazir atalǵan is boıynsha qajetti saraptamalar taǵaıyndaǵan. Sotqa deıingi tergeý QR Qylmystyq Kodeksiniń 99-babynyń 1-bóligimen (Adam óltirý) júrgizilýde.
Eske sala ketelik, buǵan deıin Atyraýda balaǵa zorlyq jasamaq bolǵan kúdikti ústalǵan edi.
