Atyraýda gazben qamtıtyn kompanııa zańsyz alǵan aqshasyn qaıtaryp jatyr
ATYRAÝ. QazAqparat - Atyraýda «QazTransGazAımaq» AQ gazben qamtıtyn kompanııasy tutynýshylarǵa zańsyz alǵan aqshalaryn qaıtaryp jatyr, dep habarlaıdy QazAqparat tilshisi.
«2018 jyldyń jeltoqsan aıynyń qorytyndysy boıynsha «QazTransGazAımaq» AQ kásipkerlerge aıyppul sala bastaǵan. Olardyń somasy birneshe ondaǵan myń teńgeden birneshe júzdegen myń teńgege deıin barady. Arnaıy jumys toby qurylyp, bul máseleni egjeı-tegjeıli zerttedi. «QazTransGazAımaq» AQ dırektory M. Abýov bergen jaýabynda keshirim surap, tehnıkalyq qatelikter bolǵanyn túsindirdi. Sonyń saldarynan 800-ge jýyq tutynýshy osyndaı eskertý alǵan. Ol bul máseleni sheshýge ýáde etti», - dep habarlady Atyraý oblystyq kásipkerler palatasy dırektorynyń orynbasary Sársenbaı Joldybaev.
Sondaı-aq, ol zańsyz alynǵan aqshalardyń keıbirine qaıtarylatynyn nemese bolashaqta gaz jetkizý kezinde eseptelinetinin málimdedi. Al, tólenbegen shottar joıylady. Palata bul jaǵdaıdy baqylaýda ustap otyr.
