Atyraýda gaz quıý stansasynda kólik jaryldy
ATYRAÝ. QazAqparat – Atyraý oblysynda gaz quıý stantsııasynyń janynda órt saldarynan kólik jaryldy, dep habarlaıdy QazAqparat tilshisi.
Oblystyq Tótenshe jaǵdaılar departamenti baspasóz qyzmetiniń aqparatyna qaraǵanda, oqys oqıǵa Maqat aýdanynda keshe bolǵan.
«Departamenttiń dıspetcherlik pýltine 10 shildede saǵat 21:40-ta «ÝAZ» kóliginiń órtengeni týraly habar tústi. «Dossor-Atyraý» tas jolynyń shyǵa berisinde ornalasqan «Promgaz» gaz quıý stansasynyń qasynda 2007 jyly shyqqan avtokólik órtendi. Órt kezinde kólik jaryldy», - dep habarlady departamenttiń baspasóz qyzmeti.
Jalyndy sóndirýge «Semser» jáne Maqat aýdandyq №8 órt sóndirý bóliminiń 10 qyzmetkeri men 2 tehnıkasy jumyldyryldy. Órtten zardap shekkender joq.
Eske sala ketelik, buǵan deıin Atyraýda dámhana túgi qalmaı janyp ketken edi.
