Atyraýda gaz quıatyn kompanııa baǵany sebepsiz qymbattatyp, 2 mlrd teńge tabys tapqan

ATYRAÝ. QazAqparat - Atyraý oblysynda munaıgaz salasyndaǵy monopolıstik uıymnyń joly kesildi, dep habarlaıdy QazAqparat.

Qarjy monıtorıngi agenttiginiń Atyraý oblysy boıynsha aýmaqtyq departamenti «Suıytylǵan munaı gazyn saqtaý parki» JShS basshylyǵyna qatysty QR QK 221-baby 2-bóligi boıynsha sotqa deıingi tergeý júrgizip jatyr.

2017-2021 jyldar aralyǵynda «SMGSP» basshylyǵy suıytylǵan munaı gazyn qaıtalama kóterme saýdada ótkizý naryǵyndaǵy ústemdigin paıdalana otyryp, suıytylǵan munaı gazyn qabyldaý, saqtaý jáne quıý qyzmetterine monopolııalyq joǵary baǵa belgilep, bekitken.

«SMGSP» JShS zańsyz tapqan somasy 2 081 659 968 teńgeni qurap, ol tolyq kólemde qaıtaryldy.

Sotqa deıingi tergeý jalǵasyp jatyr.

QR Qylmystyq protsessýaldyq kodekstiń 201-babyna sáıkes ózge derekter jarııalanbaıdy.