Atyraýda «Gaýhartas» turǵyn úı kesheni órtendi
ATYRAÝ. QazAqparat – Atyraý qalasyndaǵy «Gaýhartas» turǵyn úı kesheni órtendi, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetinshe, órt 13 maýsymda bolǵan.
«Keshki saǵat 22:19-da Atyraý qalasynyń «Saryqamys» shaǵynaýdanyndaǵy 2 qabatty «Gaýhartas» turǵyn úı kesheninen órt shyqqany týraly habar tústi. Órt sóndirýshiler oqıǵa ornyna barǵanda 8 páterlik turǵyn úı kesheniniń tóbe jabyndysy men 2-qabaty janyp jatty. Turǵyn úı kesheninen 21 adam, onyń ishinde 10 bala ózdigimen qaýipsiz jerge shyqqan» -dep habarlady departamenttiń baspasóz qyzmeti.
Jalyndy sóndirýge Tótenshe jaǵdaılar departamentinen 50 qyzmetker men 8 tehnıka, «Órt sóndirýshi» AQ fılıalynan 3 qyzmetker, 1 tehnıka, «Aq Beren» AQ fılılanynan 2 qyzmetker, 1 tehnıka, «NKOK» kompanııasynan 4 qyzmetker, 1 tehnıka, SKEBR-den 4 qyzmetker, 1 tehnıka, polıtsııa departamentinen 7 qyzmetker, 3 tehnıka jumyldyrylǵan. Órt saǵat 00:43-te oqshaýlanyp, saǵat 00:57-de tolyqtaı joıylǵan.
Eske sala ketelik, buǵan deıin Atyraýda ıesi bolmaǵan kezde kópqabatty úıdegi páter órtengen edi.
