Atyraýda ǵalamtorda jezókshelikti jarnamalaǵan 16 qyz esepke alyndy
Oblystyq polıtsııa departamenti baspasóz qyzmetiniń málimetinshe, bul derek «STOP-Trafık» jedel-profılaktıkalyq is sharasy kezinde anyqtalǵan.
«Jedel-profılaktıkalyq is-shara kezinde QR Qylmystyq Kodeksiniń 309-babymen (Jezókshelikpen aınalysýǵa arnalǵan prıtondar uıymdastyrý nemese olardy ustaý jáne jeńgetaılyq) 1 derek anyqtaldy. Al, QR Ákimshilik quqyqbuzýshylyq týraly kodeksiniń 449-babymen (Qoǵamdyq oryndarda tıisý) 24, atalǵan qujattyń 450-babymen (Kórneý jezókshelikpen aınalysý nemese jeńgetaılyq úshin úı-jaılaryn usyný) 1 adamǵa hattama toltyrylyp, ákimshilik sotqa joldandy», -dep habarlady departamenttiń baspasóz qyzmeti.
Sondaı-aq, jezókshelikpen aınalysatyn tulǵalar jınalatyn jerler, ınternet-saıttar men jarnamalyq habarlandyrýlar teksergen. Ǵalamtor jelisindegi KIZDAR.NET saıtyna jynystyq qyzmet kórsetýge anketalyq jarnama bergen 16 jezókshe anyqtalǵan. Olar «jeńgetaı-jezókshe» sanatymen esepke alynǵan.
Eske sala ketelik, buǵan deıin Atyraýda ózge qalalardan kelgen jeńil júristi qyzdar ustalǵanyn jazǵan bolatynbyz.