Atyraýda fermerler arzandatylǵan dızel alýǵa ótinish bermegen
ATYRAÝ. QazAqparat – Atyraý oblysynyń fermerleri arzandatylǵan dızel bólýge ótinish bermegen, dep habarlaıdy QazAqparat.
Aýyl sharýashylyǵy mınıstrligi baspasóz qyzmetiniń málimetinshe, Atyraý oblysynda egin alqaby aıtarlyqtaı kólemdi emes. Bıyl óńirde egis alqaby - 9222 gektar. Onyń basym bóligine, ıaǵnı, 3332 gektaryna jemshóp daqyldary egiledi. Kókónis - 2,6 myń gektarǵa, kartop - 2 myń gektarǵa, qaýyn - 1,2 myń gektarǵa salynady.
Qazirgi ýaqytta oblysta egis alqabynyń jartysy ıgerilgen. Onyń ishinde jemshóp daqyldary – 1878 ga, kókónis – 1 271 ga, qaýyn – 600 ga, kartop - 705 ga.
Egis jumystaryna 305 aýylsharýashylyq kásipornynyń 1,5 myń qyzmetkeri jumyldyrylǵan. Sondaı-aq, 783 tehnıkasy qatysýda.
«Atyraý oblysynyń aýyl sharýashylyǵy taýar óndirýshileri bıyl arzandatylǵan dızel otynyn alýǵa ótinish bergen joq» -dep habarlady mınıstrliktiń baspasóz qyzmeti.
