Atyraýda eýrostandartqa sáıkes 220 qoqys jáshigi ornatylady
ATYRAÝ. QazAqparat - Atyraýda qazirgi ýaqytta 120 jańa konteıner ákelinip, ornatýǵa daıyndalýda, dep habarlaıdy QazAqparat Atyraý qalalyq ákimdiginiń baspasóz qyzmetine silteme jasap.
Osylaısha, oblys ortalyǵynda ǵana emes, qala mańyndaǵy aýyldyq okrýgterde de qoqys alańdarynyń bolmaý máselesi sheshiletin bolady.
«Arnaýly avtobaza» JShS basshylyǵynyń aıtýynsha, qazirgi ýaqytta qalada 700 alańda 3 600 qoqys jáshigi ornatylǵan. Kún saıyn qoqys polıgonyna eki aýysymda 300 tonnaǵa deıin qoqys tasylady.
«Atyraý qalasynyń ákimdigi 222 jańa eýro standartty qoqys jáshigin satyp aldy, búgin olardyń 120-y qalaǵa ákelindi jáne ornatýǵa daıyndyq júrip jatyr, al qalǵan 102 jáshik osy aptanyń sońyna deıin qabyldanady. Biz olardy qalanyń ortalyq kóshelerinde ornatýdy josparlap otyrmyz. Eski qoqys jáshikteri jóndelip, qala mańyndaǵy aýyldyq okrýgterge jetkiziledi», - dep málim etti «Arnaýly avtobaza» JShS dırektory Almas Іztileýov.
Atyraý qalasyn sanıtarlyq tazalaýmen aınalysatyn kásiporyn «Arnaýdy avtobaza» JShS-da 280 qyzmetker jumys jasaıdy jáne mekemele 150 arnaıy tehnıka bar.
