Atyraýda eski kólikter jıi órtenedi
ATYRAÝ. QazAqparat – Atyraý qalasynda zaýyttan shyǵarylǵanyna 10 jyldan asqan kólikter jıi órtenedi, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetine súıensek, byltyr 46 avtokólik órtengen.
«Avtokólik órtiniń 85% elektr jelisiniń qysqasha tuıyqtalýy saldarynan bolatyny anyqtaldy. Buǵan ksenon sekildi qosymsha jaryq shamdarynyń ornatylýy áser etedi. Shet elderden ákelingen kólikter de jıi órtenedi. Reseı Federatsııasynan ákelingen 7, Armenııa Respýblıkasynan jetkizilgen 5 avtokólik órtendi» -dep habarlady departamenttiń baspasóz qyzmetinen.
Eske sala ketelik, budan buryn Atyraýda órt sóndirýshiler 38 adamdy qutqarǵan bolatyn.
