Atyraýda esirtki tasymaldaǵan 30 jastaǵy kúdikti qamaýǵa alyndy
Oblystyq polıtsııa departamentiniń baspasóz qyzmetinen málim etkendeı, esirtki tasymaldaǵan kúdikti keshen, 8 mamyr kúni saǵat 16:40 shamasynda ustalǵan.
«Esirtki qylmysyna qarsy is-qımyl basqarmasynyń qyzmetkerleri Atyraý qalasyndaǵy kóshelerdiń birinde esirtki tasymaldaýmen aınalysqan 1993 jylǵy turǵyndy ustady. Kúdiktiden 4 dana polıtılen paketke oralǵan sıntetıkalyq esirtkige uqsas untaq pen tapansha tárkilendi. Onyń turaqty meken-jaıyn tintý kezinde polıtılen paketke salynǵan untaq pen as úıinen keptirilgen esirtki tektes ósimdik tabyldy. Tárkilengen aıǵaq zattarǵa saraptama taǵaıyndaldy», -dep habarlady departamenttiń baspasóz qyzmeti.
Qazir ustalǵan kúdiktige qatysty QR Qylmystyq kodeksiniń 297-babynyń 3 bóligi boıynsha sotqa deıingi tergeý bastaldy. Kúdikti ýaqytsha ustaý ızolıatoryna qamaýǵa alyndy.
Eske sala ketelik, buǵan deıin Atyraýda sońǵy 2 jylda 18 myń danadan astam psıhotropty dári tárkilengenin jazǵan edik.
Polıtseıler 2021 jyldan beri zańsyz aınalymnan 18 myńnan astam psıhotropty dári-dármekterdi tárkilegen. Máselen, sol jyly 9 adam ustalyp, olardan 5 135 dana tramadol, trapıkomed dári-dármekteri alynǵan.
Al, byltyr ustalǵan 17 adamnan 7 800 dana tramadol, trapıkomıd, lırıka dárileri tárkilenip otyr. Bıylǵy jyl basynan beri osyndaı quqyq buzýshylyq úshin 9 ustalyp olardan 3596 dana taramadol, tropıkamed, somnol, alıs dári-dármekteri tárkilendi.
Atyraý oblysynda zańsyz aınalymnan 60 keliden astam esirtki tárkilengenin habarlaǵan bolatynbyz.
Departament bastyǵy Nurhat Orazbaevtyń málimetinshe, bıylǵy jyl basynan tirkelgen bul sanattaǵy qylmystardyń ishinde 8 derek Taraz, Qaraǵandy, Aqtóbe, Semeı Shyǵys Qazaqstan oblystarynan jáne Nıgerııa, Ózbekstan, Qyrǵyzstan Respýblıkalarynan kelgen tulǵalar tarapynan jasalyp otyr. Zańsyz aınalymnan jalpy salmaǵy 60 keliden astam esirtki tárkilengen.
