Atyraýda esirtki saıttaryn jarnamalaǵan eki jasóspirim ustaldy
Oblystyq Polıtsııa departamenti baspasóz qyzmetiniń málimetinshe, 17 maýsymda tańǵy saǵat 5:00 shamasynda «Turǵyn úı qalashyǵy» shaǵyn aýdanynda belgisiz eki jigittiń garaj qabyrǵasyna ballondy boıaý arqyly jazba jazǵan.
«Patrýldik polıtsııa qyzmetkeri olardyń kámelet jasqa tolmaǵanyn anyqtady. Al, qabyrǵaǵa salǵan jazbalar sıntetıkalyq esirtki saıttarynyń ataýlary ekeni dáleldendi. Jasóspirimderdiń osyndaı jazbany qalanyń birneshe shaǵyn aýdanynda jazǵan. Bul olardyń uıaly telefonyndaǵy fotosýretter arqyly belgili boldy» -dep habarlady departamenttiń baspasóz qyzmeti.
Qazir atalǵan jasóspirimderdiń áreketine qatysty tergeý amaldary júrgizilýde. Al, túngi ýaqytta balalaryn qaraýsyz jibergen ata-analaryna qatysty QR Ákimshilik quqyqbuzýshylyq týraly Kodeksiniń 442-babymen ákimshilik hattama toltyryldy.
Eske sala ketelik, buǵan deıin Atyraýda esirtkini nasıhattaıtyn birneshe saıtty jarnamalaǵan áıel ustalǵanyn jazǵan edik.
