Atyraýda erteń qoǵamdyq kólikter toqtaıdy
ATYRAÝ. QazAqparat –17 sáýirden bastap Atyraý qalasynda qoǵamdyq kólikterdiń jumysy ýaqytsha toqtatylady, dep habarlaıdy QazAqparat.
«Memlekettik mekemelerdiń, Atyraý qalasynyń tynys-tirshiligin qamtamasyz etetin kásiporyndardyń qyzmetkerlerin jumys oryndaryna jetkizý maqsatynda qala ákimdigi ýaqytsha arnaýly baǵytta júretin 6 marshrýt uıymdastyrdy» -dedi Atyraý qalasynyń ákimi Qaırat Orazbaev.
Ákimniń aıtýynsha, avtobýstarda «Tasymaldaý ákimdikten» degen jazý bolady. Avtobýstar marshrýt nómiri jáne barlyq belgilengen aıaldamalar arqyly ótedi. Qozǵalys ıntervali – 20-25 mınýt. Avtobýstar tańerteńgi saǵat 07:00-den 10:00-ge deıin, keshki saǵat 17:00-den 20:00-ge deıin júredi.
Jolaýshylar tek jumys ornyna jeke basyn rastaıtyn qujat usyný arqyly tasymaldanady. Jolaýshylar tasymaly –tegin.
