Atyraýda eriktiler sýdan zardap shekken aqtóbelikterge azyq-túlik daıyndaýda
ATYRAÝ. QazAqparat - Atyraýda «AAA» atty eriktiler uıymynyń músheleri Aqtóbe oblysynda sý tasqynynan zardap shekken turǵyndar úshin kıim-keshekter men azyq-túlik jınaýǵa kiristi, dep habarlaıdy «QazAqparat» HAA tilshisi.
«Áleýmettik jeliler arqyly jáne ózimizdiń baılanystarymyzdy paıdalanyp, biz qalyń kópshilikti kórshi Aqtóbe oblysynda sý tasýdyń saldarynan zardap shekken azamattarǵa qol ushyn sozýǵa shaqyrdyq. Olar jyly kıim, konserviler, qant, balalarǵa arnalǵan taǵamdar, tazalyq zattary, bir ret paıdalanylatyn ydystar, jamylǵy sııaqty ózge de kóptegen zattardy ákele alatyn edi. ıAǵnı biz jınaǵannyń barlyǵy da adam ómirine birinshi kezekte qajetti degen dúnıeler»,-dedi eriktilerdiń biri Aqmaral atty qyz.
Atyraýlyqtar kórshileri úshin gýmanıtarlyq kómekti sáýirdiń 28-ne deıin jınaýdy kózdep otyr. Budan soń jınalǵan dúnıelerdi Aqtóbege jiberedi. Aqtóbedegi sý tasqynynan zardap shekkenderge kómektesemin degen azamattar 8-701-233-99-40 telefonyna habarlasa alady.
Tótenshe jaǵdaılar komıtetinen habarlanǵanyndaı, Aqtóbe oblysynda sý tasqynymen baılanysty jaǵdaı ońalyp keledi. Alaıda, onyń saldarymen kúres jalǵasýda. Sońǵy táýlikterde 47 saıajaı úıleri men aýlalar sýǵa batyp, 397 adam evakýatsııalanǵan, 1 adam qutqaryldy.
