Atyraýda eriktiler kóp rettik medıtsınalyq maska tigýge kiristi
Bul týraly Azamattyq ortalyqtyń dırektory Áıgerim Dosqalıeva habarlady.
«Búgin 600-ge jýyq medıtsınalyq maska daıyn tur. Maskany tigýge 22 kásipker qulshynys bildirdi. Olardyń arasynda «Іsker ana» jobasymen sertıfıkat alyp, úıinde tiginshilik ispen aınalysatyn analar da bar. Bastapqyda medıtsınalyq maskany turǵyndardyń osal toptary úshin daıyndaýdy oılastyrǵan edik. Alaıda, ózge de turǵyndar satyp alýǵa nıet tanytty. Sol sebepten, medıtsınalyq maskany satýǵa shyǵardyq» -dedi Áıgerim Dosqalıeva.
Onyń aıtýynsha, eriktiler daıyndaǵan maskany úsh saǵattan soń jýyp, útiktep, qaıta paıdalanýǵa bolady. Eriktiler maskanyń bir bóligin turmysy tómender otbasylarǵa tegin taratýdy kózdep otyr.
Sondaı-aq, Azamattyq ortalyqqa birneshe kásiporyn qyzmetkerleri úshin medıtsınalyq maska tigýge tapsyrys bergen.
