Atyraýda erekshe balalarǵa arnalǵan ınklıýzıvti synyp ashyldy

ATYRAÝ. QazAqparat – Atyraýda aýtızm belgileri bar balalarǵa arnalǵan ınklıýzıvti synyp ashyldy, dep habarlaıdy QazAqparat tilshisi.

«Synyp «Inklıýzııa bolashaq Atyraý» qoǵamdyq birlestiginiń bastamasymen ashyldy. Psıhıkalyq damýynda kesheýildeý baıqalatyn, aýtızm belgileri bar balalar AVA ádistemesimen oqıdy. Balalarmen jumys isteıtin mamandardyń basty maqsaty – olardy qoǵamǵa beıimdeý», - dep málimdedi qala ákimdiginiń baspasóz qyzmeti.

Ákimdik ókilderiniń aıtýynsha, erekshe synyptyń jabdyqtaryn ákelýge munaı kompanııalarynyń biri kómek kórsetken.

Avtor: A. Sokolov