Atyraýda erekshe balalar jylyjaıda gúl men kókónis ósiredi
ATYRAÝ. QazAqparat – Atyraýda erekshe balalar úshin aıryqsha joba iske qosyldy. Qazir olar jylyjaıda gúl men kókónis ósiredi, dep habarlaıdy QazAqparat.
Byltyrǵy jeltoqsanda arnaıy áleýmettik qyzmet kórsetý ortalyǵynyń janynan jylyjaı ashyldy. Jylyjaıda gúl men kókónis túrlerin ósirýge arnalǵan.
«Bizdiń ortalyqta tárbıelenetin erekshe qajettiligi bar balalar gúlder men kókónisterdi ósirýdi qolǵa aldy. Osylaısha, balalardyń oı-órisin keńeıtýge, usaq motorıkany damytyp, qoǵamǵa beıimdelýine kómek bere bastadyq. Jaqynda balalar ózderi ósirgen qııardyń alǵashqy ónimin jınap úlgerdi», -deıdi ortalyq dırektory Anar Aıýpova.
Qazir ortalyqta 78 bala emdelip jatyr. Ortalyqta shaǵyn ashana bar. Ashanada balalar salattyń túr-túrin daıyndaıdy.
«Jylyjaı men baqshadan alynǵan ónimderdi satylymǵa shyǵarýymyz múmkin. Bul balalardyń satý, qarjyny basqarý daǵdylaryn úırenýine yqpal etedi. Balalar qustardy da jaqsy kóredi. Sol sebepten, qus sharýashylyǵyn ashýdy josparlap otyrmyz», -deıdi pedagog-defektolog Sara Qýanysova.
Eske sala ketelik, budan buryn Atyraýda otbasy úlgisindegi balalar aýyly ashylǵanyn jazǵan edik.
