Atyraýda er balalar arasynda djıý-djıtsýdan ótken týrnırde 11 jastaǵy qyz chempıon boldy
ATYRAÝ. QazAqparat - 11 jastaǵy Ádemi Dúısenǵalıqyzy Atyraýda er balalar arasynda djıý-djıtsýdan ótken ashyq týrnırde chempıon atandy, dep habarlaıdy QazAqparat.
Er balalarmen bir dárejede beldesip úırenip qalǵan Ádemi úshin bul kúres túrlerinen ótken iri jarystarda qol jetkizip otyrǵan birinshi jeńis emes.
«Ádemi Dúısenǵalıqyzy Jańatalap aýylyndaǵy kúres sektsııasyna osydan birneshe jyl buryn kelgen. Ol sportpen óziniń dostarymen birge aınalysqandy qalady, ony qyzdyń ata-anasy da surady. Men qyzdyń daryndy ekenin jattyǵýdyń alǵashqy sátterinen-aq baıqadym. Onyń jeńiske degen qulshynysy erekshe edi. Ol óziniń er bala bolsa da qarsylastaryn jeńip júrdi. Biz ony jarysqa alý kerek dep, táýekelge bel býdyq. Áýelde tóreshiler er balalardyń arasynda qyz nege júr dep, bizdiń sheshimimizdi qoldaı qoımady. Qazir onyń barlyǵy da umyt boldy, kez-kelgen jarysta bári Ádeminiń kelýin kútip júredi. Al onyń jeńis jolyna kez-kelgen balýannyń qyzyǵatyny sózsiz. Ádemi greplıngten er balalar arasynda ótken Qazaqstan chempıonatynyń fınalısi, greplıngten er balalar arasyndaǵy Atyraý oblystyq chempıonatynyń jeńimpazy, sondaı-aq djıý-djıtsýdan ótken ashyq týrnırlerdiń eki márte chempıony, dzıýdodan respýblıkalyq týrnırlerdiń eki márte fınalısi»,-dedi QazAqparat tilshisine jas daryndy sportshy týraly onyń bapkeri Ánýarbek Bataev.
Qoryta aıtqanda, jas talantty bapkerdiń tálimgerleriniń arasynda kóptegen jarystardyń chempıony atanǵan er balalar da jeterlik.
A.Sokolov
