Atyraýda er adamdy uryp, 500 myń teńgesin tonaǵan kúdiktiler ustaldy
Oblystyq polıtsııa departamentiniń baspasóz qyzmetinen málim etkendeı, oqıǵa 17 qańtarda bolǵan.
«Keshki saǵat 21:30 shamasynda belgisiz bireýler Atyraý qalasynyń 28 jastaǵy turǵynyn kóshede toqtatyp, aqsha berýin talap etken. Osydan keıin shabýyldaýshylar jábirlenýshini uryp-soǵyp, qaltasynan 500 myń teńgesin kúshtep tartyp alǵan», -dep habarlady departamenttiń baspasóz qyzmeti.
Osy derekke baılanysty polıtsııa qyzmetkerleri jedel izdestirý sharasyn júrgizip, 1999 jáne 2000 jylǵy eki kúdiktini ustady.
Qazir kúdiktilerge qatysty QR Qylmystyq kodeksiniń 194-babynyń 2-bóligimen sotqa deıingi tergeý amaldary júrgizilýde. Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.
Eske sala ketelik, budan buryn Atyraýda alımentin tólemegen boryshkerdiń júrgizýshi kýáligin paıdalaný ýaqytsha toqtalyǵanyn https://kaz.inform.kz/news/atyrauda-alimentin-tolemegen-boryshkerdin-kolik-zhurgizu-kualigin-paydalanuy-uakytsha-toktatyldy_a3891739 jazǵan edik.