Atyraýda er adam balalaryn elektr symymen ólimshi etip sabaǵan
ATYRAÝ. QazAqparat - Atyraý qalalyq mamandandyrylǵan ákimshilik soty balalaryn balaǵattap, elektr uzartqyshpen (elektroýdlınıtel) urǵan er adamdy tutqyndaǵan, dep habarlaıdy «QazAqparat» HAA tilshisi.
«Sotta anyqtalǵandaı, quqyq buzýshy K. 2018 jyldyń qańtar aıynda Atyraý qalasy SMP shaǵyn aýdanynda ornalasqan úıinde mas kúıinde kámelettik jasqa tolmaǵan balalaryn elektr uzartqyshymen uryp, jaraqattaǵan. Er adam sot qaýlysymen QR ÁQBtK 73-babynyń 1-bóligimen kináli dep tanylyp, oǵan 15 táýlikke qamaýǵa alý jazasy taǵaıyndaldy», dep habarlady ákimshilik sottyń baspasóz qyzmeti.
