Atyraýda er adam 3 metrlik shuńqyrǵa qulap ketti
ATYRAÝ. QazAqparat - Atyraýda 55 jastaǵy azamat úsh metrlik shuńqyrǵa qulap ketti, dep habarlaıdy QazAqparat tilshisi.
Atyraý oblystyq Tótenshe jaǵdaılar departamentiniń baspasóz qyzmetiniń málimetinshe, keshe saǵat 10.05-te Mahambet aýdanynyń tótenshe jaǵdaılar qyzmetiniń pýltine Sarytoǵaı aýylyndaǵy jeke turǵyn úıdiń aýlasynda 55 jastaǵy azamattyń úsh metrlik tereń shuńqyrǵa qulap túskeni týraly habarlama kelgen.
«Oqıǵa ornyna qutqarýshylar dereý jetti. Belgili bolǵandaı, shuńqyrǵa qulap ketken 55 jastaǵy azamat І-toptaǵy múgedek jáne onyń kózi nashar kóretin bolǵan. Ol úıiniń aýlasynda júrgen kezinde 3 metr tereńdikte qazylǵan qudyqqa abaısyzda qulap ketken. Zardap shegýshi aýrýhanaǵa jetkizildi. Ol qatty jaraqattanǵan, jaǵdaıy aýyr», - deıdi oblystyq TJD baspasóz hatshysy Janar Qarjaýbaeva.
