Atyraýda «Eńbek joly» konkýrsynyń jeńimpazdary anyqtaldy
Oblystyq jumyspen qamtýdy úılestirý jáne áleýmettik baǵdarlamalar basqarmasy mamandarynyń aıtýynsha, «Eńbek joly» konkýrsynyń maqsaty – jastardy eńbekti
qurmetteý rýhynda tárbıelep, eńbek ótili, tájirıbesi mol áýletter men tálimgerlerdi úlgi etý.
«Áleýmettik áriptestik, áleýmettik jáne eńbek qatynastaryn retteý jónindegi oblystyq
komıssııanyń sheshimimen «Eńbek joly» konkýrsynyń jeńimpazdary anyqtaldy. «Úzdik eńbek áýleti» nomınatsııasynda Jylyoı aýdanynan Qanaevtar munaıshylar áýleti jeńimpaz dep tanyldy. Maqat aýdanynan belsendi ári eńbekqor jumysker Qýantaı Ábilov «Óndiristiń úzdik jas mamany», al maqattyq ınjener-energetık Jumabaı Abdýlov «Jumys isteıtin jastardyń úzdik tálimgeri» atandy», - dep habarlady basqarmanyń mamandary.
Úsh jeńimpazdyń qujattary Eńbek jáne halyqty áleýmettik qorǵaý mınıstrligine joldandy.
Eske sala ketelik, budan buryn Atyraýda «Mereıli otbasy» baıqaýynyń jeńimpazy anyqtalǵanyn jazǵan bolatynbyz.
