Atyraýda emhananyń esepshotynan 70 mln teńge urlanǵan
Baspasóz qyzmetiniń málimetine qaraǵanda, atalǵan emhananyń qyzmetkerleri koronavırýs ınfektsııasyn juqtyrǵan medıtsınalyq qyzmetkerlerge tólenetin ótemaqyǵa baılanysty basqarmaǵa júgingen. Olarǵa basqarma basshysynyń mindetin ýaqytsha atqarýshy Ashan Baıdýálıev arnaıy baryp, ótemaqynyń zań talaptary sheńberinde komıssııa sheshimi negizinde tólenetinin jetkizgen.
«Prezıdenttiń tapsyrmasyna sáıkes, Densaýlyq saqtaý mınıstrligi men Eńbek jáne halyqty áleýmettik qorǵaý mınıstrliginiń qyzmet barysynda koronavırýs juqtyrǵan medıtsınalyq qyzmetkerlerge epıdemıologııalyq tekserý nátıjesinde ótemaqy tóleý týraly birlesken buıryǵy bar. Soǵan saı keletin dárigerlerge ótemaqy tólenedi. Qazir Atyraý oblysynda koronovırýs ınfektsııasy men vırýstyq pnevmonııa juqtyrdyq dep járdemaqy alý úshin 955 medıtsınalyq qyzmetker qujat tapsyrǵan. Olardy koronovırýs indetimen kúreste qyzmet etken medıtsına qyzmetkerlerine ústemaqy men ótemaqyny tóleý komıssııasy turaqty túrde qaraýda. Osy kezge deıin komıssııa 9 otyrys ótkizgen. Qujattardyń 474-si maquldanyp, 481-i keri qaıtarylǵan. Biraq jaqynda atalǵan buıryqqa birqatar ózgeris engizilýine baılanysty dárigerlerdiń qujattaryn komıssııaǵa qaıta berip, qazir qaralyp jatyr», -dedi Ashan Baıdýálıev.
Onyń aıtýynsha, medıtsınalyq qyzmetkerlerge koronavırýspen kúres kezinde jalaqysyna qosylatyn ústemaqy ýaqytyly tólengen. Al №1 Atyraý qalalyq emhananyń esepshotyndaǵy 70 mln teńge elektrondy túrde urlanǵan. Qazir tıisti quqyq qorǵaý organdary tergeý-anyqtaý jumystaryn júrgizip jatyr.