Atyraýda emhana janynda 2 kólik túgi qalmaı janyp ketti
Atyraý oblystyq Tótenshe jaǵdaılar departamentiniń qoǵammen baılanys tobynan málim etkendeı, órt týraly habar búgin, 24 mamyrda saǵat 11:06-da túsken.
«Atyraý qalasynyń M.Baımuhanov kóshesinde ornalasqan №3 qalalyq emhana mańynda eki avtokólik órtendi. «Toyota Hiace» jáne «Honda Elysion» avtokólikteri saqtandyrý kompanııasyna tıesili ekeni anyqtaldy. Órt saldarynan avtokólikter tolyqtaı janyp ketti», - dep habarlady departamenttiń qoǵammen baılanys tobynan.
Jalyn saǵat 11:27-de oqshaýlandyrylyp, saǵat 11:31-de tolyqtaı sóndirildi. Zardap shekkender joq. Órtti sóndirýge Atyraý oblysy Tótenshe jaǵdaılar departamentiniń 7 qyzmetkeri men 2 tehnıkasy jumyldyryldy.
«Bıylǵy jyl basynan 113 órt oqıǵasy tirkeldi. Onyń ishinde 30 oqıǵa avtokólikke qatysty. Kóliktiń kez kelgen túrindegi órt kútpegen jerden paıda bolýy, qaıǵyly jaǵdaıǵa ákep soqtyrýy múmkin. Sol sebepten júrgizýshiler kólikte órt sóndirgish quraly bolýyn eskerýi kerek. Júrgizýshilerge órt qaýipsizdigi talaptaryn qatań saqtaýdy eskertemiz», -dep málim etti departamenttiń qoǵammen baılanys tobynan.
Eske sala ketelik, budan burynAtyraýda 15 qabatty úıdiń dálizinen órt shyǵyp, turǵyndar evakýatsııalanǵanyn habarlaǵan bolatynbyz. Órt Áıteke bı kóshesinde ornalasqan 15 qabatty úıdiń dálizindegi qosalqy bólmeden shyqqan. Tártip saqshylary tótenshe jaǵdaı qyzmetkerlerimen birge turǵyndardy órt qaýpinen qutqarýǵa kiristi. Qyzmetkerlerdiń birlesken jedel áreketiniń nátıjesinde jalyn sharpyǵan úıden eki zeınetker, 10 jasóspirim (onyń ishinde tórt náreste bar) men 13 turǵyn qaýipsiz jerge shyǵarǵan.
