Atyraýda emhana basshysy dárigerlerden aqsha jınaǵan – agenttiktiń kúdigi

NUR-SULTAN. QazAqparat – Atyraý qalalyq №4 emhananyń dırektory óz qyzmetin asyra paıdalandy degen kúdikpen qylmystyq jaýapkershilikke tartylýda, dep habarlaıdy QazAqparat tilshisi.

«Atyraý oblysynyń sybaılas jemqorlyqqa qarsy kúres departamentiniń qyzmetkerleri Atyraý qalalyq №4 emhananyń dırektorynyń óz qyzmetin asyra paıdalaný faktisine baılanysty sotqa deıingi tergeý amaldaryn júrgizýde. Atalǵan adam medbıkelerdi deldal ete otyryp, emhana qyzmetkerlerine syıaqy retinde aýdarylǵan aqshalaı somany jınap alý arqyly óz qyzmetin asyra paıdalandy degen kúdikke ilindi», - dedi QR Sybaılas jemqorlyqqa qarsy is-qımyl agenttiginiń 1-shi departamentiniń asa mańyzdy ister jónindegi tergeýshisi Danııar Bekaıdarov agenttiktiń búgingi «Antıkor LIVE» aıdarynda.

Qazir osy iske baılanysty sotqa deıingi tergeý amaldary jalǵasýda. QR QPK 201-babyna sáıkes iske qatysty basqa mán-jaı jarııalanbady.