Atyraýda «Elsana» rýhanııat klýby aqyldastar alqasynyń otyrysy ótti

ATYRAÝ. QazAqparat - Quramynda tórt júzge jýyq múshesi bar «Elsana» rýhanııat klýby Elbasynyń «Bolashaqqa baǵdar: rýhanı jańǵyrý» baǵdarlamasyn júzege asyrý baǵytynda birqatar isterdi qolǵa alyp otyr, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.

"Elsana" rýhanııat klýbynyń basty maqsaty - ulttyq qundylyqtar, salt-dástúr, ádet-ǵurypty, el tarıhyn dáripteý, sondaı- aq halyqtyń rýhanı qazynasyn baıyta túsý.

"Elbasynyń Rýhanı jańǵyrý baǵdarlamasynda aldaǵy ýaqytta básekelestikke tótep berý máselelerin iske asyrý jónindegi máseleler, sondaı-aq ótkendi bilý, osy kúnge jetkizgen azamattardy ardaqtaý, atqarǵan eńbekterin eskerý, ustaǵan ustanymdaryn jalǵastyrý kerek delingen. Elsana rýhanııat klýbynyń bastamasymen búginde ulttyq oıyndar, dárister, el tarıhyna arnalǵan sharalar uıymdastyryp jatyr. Biz óz tarapymyzdan osyndaı ıgi isterdi qoldaýǵa qashan da daıynbyz", - deıdi oblys ákimi Nurlan Noǵaev. 

Sondaı-aq óńir basshysy «Abaı álemine saıahat» klýby jumysynyń óńirimizde nasıhattalýy boıynsha birqatar tapsyrmalar júktedi.

Aıta keteıik, «Elsana» rýhanııat klýby óz jumysyn 2013 jyly bastaǵan bolatyn.