Atyraýda elordalyq bilikti dáriger bes balaǵa ota jasady
ATYRAÝ. QazAqparat – Atyraýda elordalyq №2 kópbeıindi qalalyq balalar aýrýhanasy ortopedııa jáne ońaltý bólimshesiniń meńgerýshisi, medıtsına ǵylymdarynyń kandıdaty Aǵabek Chıkınaev tirek-qımyly buzylǵan balalarǵa bes ota jasady, dep habarlaıdy QazAqparat.
Joǵary sanatty ortoped-travmatolog Aǵabek Chıkınaevtyń aıtýynsha, ata-analar mundaı otany jasatý úshin kóptegen ata-ana balalaryn elordaǵa, nemese shetelge aparýǵa májbúr. Endi mundaı otany atyraýlyq dárigerler jasaýǵa múmkindik alyp otyr.
«Meniń ulyma tserebraldy sal aýrýy, gıdrotsefalııa dıagnozy qoıylǵan. Balam júre alady. Biraq, aıaǵyn syltyp basady. Atyraýǵa ortoped-dárigerdiń keletinin estip, oılanbastan ota jasatýǵa sheshim qabyldadyq. Bilikti dáriger jasaǵan ota sátti shyqty. Endi ulym esh qıyndyqsyz júretinine úmit artyp otyrmyn» - deıdi 14 jasar balanyń anasy Oktıabrına Qurmanǵazıva.
Eske sala ketelik, budan buryn Atyraýda týa bitken patologııasy bar balaǵa kúrdeli ota jasalǵanyn jazǵan edik.
