Atyraýda elektrosamokat aıdaǵan 11 jastaǵy balany kólik qaǵyp ketti

ATYRAÝ. QazAqparat - Atyraýda elektrosamokat aıdaǵan 11 jastaǵy balany kólik qaǵyp ketti, dep habarlaıdy QazAqparat Polisia.kz saıtyna silteme jasap.

Atyraý qalasynda 27 tamyz kúni saǵat 16:00 shamasynda Mitsubishi Outlander avtokóliginiń 44 jastaǵy júrgizýshisi Sultan Beıbarys kóshesiniń boıynda rettelmegen jaıaý júrginshiler ótkelinen elektrosamokatpen ótip kele jatqan 11 jastaǵy jasóspirim balany qaǵyp qulatqan.

Soqqy saldarynan 11 jastaǵy jasóspirim oblystyq balalar aýrýhanasyna jetkizilgen.

Qazirgi ýaqytta tıisti is-qujattar jınaqtalýda. Anyqtalǵan aqparattarǵa sáıkes kólik júrgizýshisi - shetel azamaty.

Aıta keteıik, jyl basynan beri osyǵan uqsas elektrosamokattyń qatysýymen 3 jol-kólik oqıǵasy tirkelgen. Atyraýlyq polıtseıler jol qozǵalysynyń barlyq qatysýshylarynan jol qaýipsizdigiń qatań saqtaýdy suraıdy.