Atyraýda elektr jaryǵy ne sebepti óshirilgeni anyqtaldy
ATYRAÝ. QazAqparat - Atyraýda elektr jaryǵy JEO-daǵy eki týrbınanyń isten shyǵýyna baılanysty sóngeni málim boldy, dep habarlaıdy «QazAqparat» HAA tilshisi.
«Atyraýdaǵy JEO-da eki týrbına isten shyqty. Onyń bireýiniń qýattylyǵy - 50 megavatt jáne ekinshisiniń qýattylyǵy 80 megavatt. Sol sebepti Jaıyqtyń sol jaǵalaýyndaǵy qala bóligi jaryqsyz qalǵan. Qazirgi sátte qýattylyǵy 80 megavatt týrbınany qaıta iske qosty. Áleýmettik mańyzy bar nysandarǵa, turǵyn úılerge jaryq berildi. Rezervtegi qýat kózderi arqyly basqa da nysandarǵa jaryq berilip jatyr», - dep habarlaıdy qala ákiminiń orynbasary Meıirim Qalaýı.
