Atyraýda elektr baǵanasynda tok soqqan monter qaıtys boldy
ATYRAÝ. QazAqparat – Atyraýda elektr baǵanasynda tok soqqan monter qaıtys boldy, dep habarlaıdy QazAqparat.
Oqys oqıǵa keshe, 25 tamyzda saǵat 14:30 shamasynda Atyraý qalasyndaǵy «Nursaıa» shaǵyn aýdanynda bolǵan. Elektr baǵanasyna shyǵyp, jelini jóndegen 59 jastaǵy monterdi tok soqqan. Bul derekti oblystyq polıtsııa departamentiniń baspasóz qyzmeti rastady.
«Qazir atalǵan derekke qatysty QR Qylmystyq kodeksiniń 156-babynyń 3-bóligimen sotqa deıingi tergeý bastaldy. Sot-medıtsınalyq saraptama taǵaıyndaldy» - dep habarlady departamenttiń baspasóz qyzmeti.
Eske sala ketelik, budan buryn Atyraýda bıikten qulaǵan elektr montajdaýshynyń biri qaıtys bolǵanyn jazǵan edik.
