Atyraýda elden shyǵyp ketýden jaltarǵan sheteldikke aıyppul salyndy
Atyraý qalalyq ákimshilik quqyq buzýshylyqtar jónindegi mamandandyrylǵan sotynda Ózbekstan Respýblıkasynyń azamatshasyna qatysty is qaraldy. Sheteldikke Ákimshilik quqyqbuzýshylyq týraly kodekstiń 517-baby 4-bóligimen (Sheteldiktiń nemese azamattyǵy joq adamnyń QR-nyń halyqtyń kóshi-qony salasyndaǵy zańnamasyn buzýy) aıyp taǵyldy.
«Sotta Ózbekstan Respýblıkasynyń azamatshasy 2020 jylǵy 6 qarashada zańnamada belgilengen merzim ótkennen keıin on táýlikten asatyn kezeń ishinde Qazaqstan Respýblıkasynan ketýden jaltarǵany anyqtaldy. Sot qaýlysymen Ózbekstan Respýblıkasynyń azamatshasy kináli dep tanylyp, oǵan 51 048 teńge mólsherinde aıyppul salyndy», - dep habarlady sottyń baspasóz qyzmeti.
Eske sala ketelik, buǵan deıin Atyraýda vaktsına alý kezinde dárigerlerge dórekilik tanytqan sheteldikke aıyppul salynǵan bolatyn.