Atyraýda elde bolý merzimi ótip ketken 60-tan astam sheteldik anyqtaldy
Atyraý oblystyq polıtsııa departamentiniń qyzmetkerleri 12 mamyrdan beri «Qaýipsiz qala»jedel-aldyn alý is-sharasyn ótkizip jatyr. Maqsat –qoǵamdyq
oryndardaǵy, kóshelerdegi kóshelerdegi qylmystar men quqyqbuzýshylardy, zańsyz
kelýshilerdi anyqtaý.
«Polıtsııa qyzmetkerleri alǵashqy kúni Balyqshy shaǵynaýdanynda, Damby aýyly men Kókarna saıajaıy mańynda júrgizgen tekserýler barysynda 60-tan astam sheteldikti anyqtady. Taıaý shetelderden kelgenderdiń Qazaqstanda bolý merzimi ótip ketken.
Alaıda, elimizde 16 naýryzda Tótenshe jaǵdaı engizilgendikten, olar jaýapkershilikten bosatylady. Polıtsııa qyzmetkerleri sheteldikterge túsindirý jumysyn júrgizdi. Endi olar 18 mamyrdan bastap Halyqqa qyzmet kórsetý ortalyǵyna baryp, elimizde bolý merzimin uzarta alady», -dep habarlady departamenttiń baspasóz qyzmeti.
Іs-shara kezinde ustalǵan ózbekstandyq 2 azamatta jeke basyn kýálandyratyn tólqujaty bolmaǵan. Olar Atyraý qalalyq polıtsııa basqarmasynyń qabyldap-taratý ornyna ornalastyryldy. Munda jeke basy anyqtalǵanǵa deıin bolady.
Atalmysh shara 21 mamyrǵa deıin jalǵasady.
