Atyraýda ekspress-test jasaıtyn 5 vırýsologııa toby jumys isteýde
ATYRAÝ. QazAqparat –Atyraý oblysynda 5 vırýsologııa toby jumys isteýde, dep habarlaıdy QazAqparat.
Óńirlik kommýnıkatsııalar qyzmetiniń málimetinshe, qazir koronavırýs ınfektsııasynyń bar-joǵyn anyqtaıtyn ekspress-test shet elderden kelgenderge, sondaı-aq jergilikti emhanalarǵa JRVI belgisimen júgingen adamdarǵa júrgizilýde. Koronavırýs anyqtalǵan adamdarmen jaqyn qarym-qatynasta bolǵan turǵyndarǵa da synama-test júrgiziledi. Dárigerler onyń nátıjesin 6 saǵattan keıin alady.
«Atyraý qalasynda turǵyndardan synama-test alatyn 5 vırýsologııa toby jumys isteýde. Jalpy, aımaqta koronavırýsty anyqtaýǵa arnalǵan 700 test bar. Synama toptamalary qosymsha qajet bolsa, taǵy da tıisti mólsherde jetkiziletin bolady», - dep habarlady Óńirlik kommýnıkatsııalar qyzmetinen.
