Atyraýda ekouryqtandyrý tásilimen bala súıýge 232 kvota berildi
Atyraý oblysynyń bas reprodýktology Aıgúl Jandildashevanyń málimetinshe, bul byltyrǵy kvotadan 8 ese kóp.
Ótken jyly bala súıýdi ańsaǵan juptarǵa 37 kvota berilgen.
«Oblysta 800-ge jýyq jup ekstrakorporaldy uryqtandyrý kezeginde tur. Aldymen balaly bolǵysy keletinder komıssııalyq tekserý júrgizetin reprodýktologtardyń tekserýinen ótedi. Óıtkeni, bizde EKU úshin áıelderge joldama berýdiń belgili bir krıterııleri bar. Birinshisi – 18-den 42-ge deıingi jas shekteýi. Ekinshisi – antımıýller gormony bireýden kem bolmaýy tıis. Úshinshisi – gormondardy yntalandyratyn follıkýla 12 mm-den aspaýy tıis. Tórtinshisi – erlerge qoıylatyn krıterıı», - dedi Atyraý oblysynyń bas reprodýktology Aıgúl Jandildasheva.
Onyń aıtýynsha, eger áıeldiń jasy 42-den asqan bolsa, onyń aqyly EKU protsedýrasyna júginý múmkindigi bar.
Mundaı jaǵdaıda onyń baǵasy shamamen 1,5 mln teńge turady.
Statıstıkalyq málimetke súıensek, byltyr atyraýlyq áıelderdiń atalǵan tásilmen júktilik kórsetkishi 44%-dy quraǵan.
Eske sala ketelik, budan buryn Atyraýda eki jylda ekouryqtandyrýmen 177 sábı dúnıege kelgenin habarlap edik.
