Atyraýda ekinshi kún qatarynan shańdy daýyl soǵyp tur
Oblystyq tótenshe jaǵdaılar departamentiniń qoǵammen baılanys tobynan málim etkendeı, búgin, 13 sáýirde jel ekpini údeıdi.
«Atyraý oblysynda «Qazgıdromet» RMK fılıalynyń málimetine sáıkes jeldiń uıytqýy sekýndyna 17-22 metrge jetedi. Keı jerlerde sekýndyna 25 metrge jetýi múmkin. Shańdy daýyl soǵady», - dep habarlady qqoǵammen baılanys toby.
Qazir jel ekpini de, shańdy daýyl da kúsheıip tur. Atyraý oblysynda mundaı shańdy daýyl buǵan deıin birneshe ret bolǵan. Munaıly óńir turǵyndary tabıǵattyń bul qubylysyn qalypty jaǵdaı retinde qabyldaıdy.
Eske sala ketelik, buǵan deıin Kaspıı jaǵalaýynda 5 kún janǵan qamys órti sóndirilgenin habarlaǵan bolatynbyz. Qamys 2 sáýirde tutanǵan. «Qazaqstan ǵarysh sapary» kosmomonıtorınginiń qorytyndysyna sáıkes, «Aqjaıyq» memlekettik tabıǵı rezervaty aýmaǵyndaǵy órttiń jalpy aýdany 1 200 gektar boldy.
«Bul – Atyraý qalasynan 30 shaqyrym qashyqtaǵy aýmaq. Jalynnan flora men faýna zardap shekken joq. Óıtkeni, qustardyń uıa salý kezeńi áli bastalmaǵan», - dep habarlady departamenttiń qoǵammen baılanys toby.
Qamys órtin sóndirýge departamentten 42 qyzmetker, 7 tehnıka, «Aqjaıyq» memlekettik tabıǵı rezervatynan 30 adam, 9 tehnıka, 2 qaıyq, 4 motopompa jumyldyryldy.