Atyraýda ekinshi qabattan sekirmek bolǵan bozbala qutqaryldy
ATYRAÝ. QazAqparat – Atyraýda 2 qabatty turǵyn úıdiń shatyrynan sekirýge oqtalǵan bozbala qutqaryldy, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetinshe, búgin, 7 maýsymda saǵat 9:32-de Atyraý qalasyndaǵy Ogorodnaıa kóshesinen shaqyrtý túsken.
«Qutqarýshylar oqıǵa ornyna 9 mınýtta jetip, 17 jastaǵy bozbalanyń osy kóshedegi eki qabatty eski turǵyn úıdiń tóbesinen sekirmek bolǵanyn anyqtady. Bozbala qaraýsyz qalǵan nysandar sanatyndaǵy turǵyn úı shatyryna masań kúıde shyqqan. Jedel qutqarýshylar jasaǵynyń qyzmetkerleri ony saǵat 10:06-da jerge túsirip, polıtseılerge tapsyrdy» -dep habarlady departamenttiń baspasóz qyzmeti.
Qutqarý jumysyna 4 qyzmetker men 1 tehnıka jumyldyryldy.
Eske sala ketelik, budan buryn Atyraýda 39 jastaǵy er adam úshinshi qabattan sekirmek bolǵan edi.
