Atyraýda eki qyz bala terezeden qulap ketip, bireýi qaza boldy
ATYRAÝ. QazAqparat - Atyraýda eki bala terezeden qulap, biri qaza tapty, al ekinshisi jansaqtaý bóliminde jatyr. Tótenshe jaǵdaı qalanyń syrtyndaǵy Orman sharýashylyǵy shaǵyn aýdanynda bolǵan, dep habarlaıdy QazAqparat tilshisi.
«Aýrýhananyń jansaqtaý bólimine túrli jaraqat alǵan eki búldirshin - 5 jáne 4 jasar qyzdar tústi. Qyzdardyń úlkeni alǵan jaraqaty saldarynan kóz jumdy. Ókinishke qaraı, dárigerler ony qutqaryp qala almady. Tórt jasar qyzdyń jaǵdaıy turaqty aýyr. Ol jansaqtaý bóliminde jatyr, dárigerler oǵan barlyq qajetti kómekti kórsetýde», - dedi oblystyq densaýlyq saqtaý basqarmasynyń baspasóz qyzmetinen.
