Atyraýda eki kúnde Jaıyq ózenine bekireniń 7 mln-ǵa jýyq shabaǵy jiberildi
ATYRAÝ. QazAqparat – Atyraýda eki kúnde Jaıyq ózenine bekireniń 7 mln-ǵa jýyq astam shabaǵy jiberildi, dep habarlaıdy QazAqparat tilshisi.
«Atyraý» jáne «Jaıyq-Atyraý» bekire ósirý zaýyttarynan qortpa, bekire, pilmaı jáne shoqyr shabaqtary Jaıyq ózenine jiberildi. Eki kúnde sý aıdynyna jiberilgen baǵaly bekire tuqymdas balyqtar shabaǵynyń sany 7 mln-ǵa jýyqtady.
Máselen, «Jaıyq-Atyraý» zaýytyndaǵy 16 toǵanda bekire tuqymdas balyqtardyń 3,5 mln shabaǵy memlekettik tapsyrysqa sáıkes ósirilgen. Al, jergilikti tabıǵat paıdalanýshylar Kaspıı teńiziniń bıresýrsyn saqtaýǵa qosqan úlesi retinde 279 myń shabaq ósirýge tapsyrys bergen.
«Bıylǵy kóktemde aýlanǵan analyq jáne atalyq balyqtardan jasandy jolmen ýyldyryq alyndy. Keıin sol ýyldyryqtan shabaqtar ósirildi. Bekire tuqymdas balyqtar bir-birine uqsamaıdy. Shabaqtar da solaı, ólshemderi ártúrli bolady. Ortasha eseppen shabaqtardyń salmaǵy 7-47 gramdy quraıdy» -deıdi «Jaıyq-Atyraý» bekire ósirý zaýytynyń dırektory Ǵılman Sársemalıev.
Eske sala ketelik, budan buryn AtyraýdaJaıyq ózenine bekireniń 100 shabaǵy jiberilgen bolatyn.
