Atyraýda eki kólik soqtyǵysyp, júrgizýshi men jolaýshy mert boldy
ATYRAÝ. QazAqparat – Atyraýda eki kólik soqtyǵysyp, jol apatynan júrgizýshi men jolaýshy mert boldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, jol apaty búgin, 9 qyrkúıekte bolǵan.
«Búgin saǵat 07:50 shamasynda «Atyraý-Oral» baǵytyndaǵy kúre joldyń 57-shaqyrymynda «Toyota Prada» men «Skoda Rapid» kólikteri soqtyǵysty. Jol-kólik oqıǵasynyń saldarynan oqıǵa ornynda «Skoda Rapid» kóliginiń júrgizýshisi men jolaýshysy qaıtys boldy» -dep habarlady departamenttiń baspasóz qyzmeti.
Qazir atalǵan jol apatyna baılanysty QR Qylmystyq Kodeksiniń 345-babynyń 4-bóligimen sotqa deıingi tergeý bastaldy.
Eske sala ketelik, buǵan deıin Atyraýda jol apatynda úsh adam kóz jumǵanyn habarlaǵan bolatynbyz.
