Atyraýda eki kólik soqtyǵysyp, 6 adam aýrýhanaǵa jetkizildi
ATYRAÝ. QazAqparat – Atyraýda eki kólik soqtyǵysyp, 6 adam aýrýhanaǵa jetkizildi, dep habarlaıdy QazAqparat.
Oblystyq polıtsııa departamenti baspasóz qyzmetinen málim etkendeı, jol-kólik oqıǵasy 14 sáýirde keshki saǵat 19:00 shamasynda bolǵan.
«Atyraý kalasyndaǵy Berǵalıev kóshesinde kele jatqan «NIVA» kóligi joldyń qarsy baǵytyna shyǵyp ketken. Sóıtip, qarsy baǵyttaǵy «Gaz–322131» kóligimen soqtyǵysqan. Jol-kólik oqıǵasynyń saldarynan «NIVA» kóliginiń júrgizýshisi oblystyq aýrýhanaǵa jatqyzyldy. Al, ekinshi kóliktegi 5 jolaýshy oblystyq aýrýhana dárigerleriniń tekserýinen soń úıine jiberildi», -dep málim etti departamenttiń baspasóz qyzmeti.
Eske sala ketelik, budan buryn Atyraýda «Lexus» mingen áıel eki adamdy qaǵyp ketkenin jazǵan bolatynbyz.
