Atyraýda eki kólik soqtyǵysyp, 6 adam aýrýhana jetkizildi
Oblystyq polıtsııa departamentiniń baspasóz qyzmetinen málim etkendeı, jol-kólik oqıǵasy búgin, 23 qazanda saǵat 10:00 shamasynda bolǵan.
«Atyraý qalasynan Oral baǵytyna qatynaıtyn tas joldyń 5-shaqyrymynda eki kólik soqtyǵysty. 1983 jylǵy júrgizýshi Hyundai Sonata markaly avtokóligimen joldyń qarsy baǵytyna shyqqan. Sonyń saldarynan 22 jastaǵy júrgizýshi basqarǵan Hyundai Accent avtokóligimen soqtyǵysyp qalǵan. Jol-kólik oqıǵasynyń saldarynan ártúrli dene jaraqatyn alǵan 6 adam oblystyq aýrýhanaǵa jetkizildi», - dep habarlady departamenttiń baspasóz qyzmeti.
Qazir polıtsııa qyzmetkerleri jol-kólik oqıǵasyna baılanysty tekserý júrgizip, tıisti is-qujattardy jınaqtady. Sotqa deıingi tergeý amaldary júrgizilip jatyr.
«Júrgizýshilerge jolda júrý erejelerin saqtaýdy eskertemiz. Jol-kólik oqıǵasy jolaýshy ómirine qaýip tóndiredi. Sol sebepten, jolda kólik jyldamdyǵyn shamadan tys asyrmaý qajet», - dep málim etti departamenttiń baspasóz qyzmetinen.
Eske sala ketelik, 21 qazanda kólik qaqqan 11 jasar jasóspirim kóz jumǵan edi. Sol kúni Atyraýda jeńil kólik avtobýspen soǵylyp, júrgizýshi mert boldy. Keıin 4 jasar balany kólik qaǵyp ketti. Al, keshe jol apatynan 5 adam qaza tapty.
