Atyraýda eki qabatty úıdiń edeni opyrylyp qulady
ATYRAÝ. QazAqparat - Atyraý oblysy Qurmanǵazy aýdanynda eki qabatty úıdiń edeni opyrylyp tústi, dep habarlaıdy «QazAqparat» HAA tilshisi.
TJD Atyraý oblysynyń Ganıýshkıno kentindegi avarııalyq jaǵdaıda turǵan úı edeniniń opyrylyp túskendigin rastady.
«Bul tótenshe jaǵdaı Qurmanǵazy aýdanynyń ortalyǵy Ganıýshkıno kentinde boldy. 1970 jyly salynǵan eki qabatty úıdiń 7 sharshy metrdeı beton edeni opyrylyp tústi. Úıde 70 adam turyp jatyr. Oqıǵadan eshkim zardap shekken joq. Úı avarııalyq úıler tiziminde tur»,- dedi óńirdegi tótenshe jaǵdaılar qyzmeti.
TJQ habarlaýynsha, aýdanda avarııalyq úıdi tekserý úshin arnaıy komıssııa qurylǵan. Sondaı-aq, aýdan ákimdigi avarııalyq úıde turyp jatqan turǵyndardy basqa úıge kóshirý máselesin qarap jatyr.
