Atyraýda eki apta emdelgen 14 jasar qyz koronavırýstan jazylyp, úıine shyqty
ATYRAÝ. QazAqparat –Atyraý oblysynda koronavırýs ınfektsııasyn juqtyrǵandar arasynan 2 adam jazylyp shyqty, dep habarlaıdy QazAqparat.
«Olar –Atyraý oblysynda Covid-19 ınfektsııasyn alǵash juqtyrǵandar. Búgin, 12 sáýirde ınfektsııalyq statsıonardan qaýipti indetten aıyqqan 2 adam shyqty. Bireýi –14 jasar qyz, ekinshisi – 19 jastaǵy jigit. Ekeýi de 27 naýryzda ınfektsııalyq statsıonarǵa jatqyzylǵan bolatyn» -dep habarlady óńirlik jedel shtabtan.
Eske sala ketelik, Atyraý oblysynda kornavırýsty juqtyrǵan 59 adam tirkelgen. Buǵan deıin elimizde 5 adamnyń koronavırýstan jazylyp shyqqany habarlanǵan edi.
