Atyraýda egis alqaptarynyń kólemi artty
ATYRAÝ. QazAqparat - Bıyl Atyraýdaǵy egis alqaptarynyń kólemi 8237 gektarǵa jetip, byltyrǵy kórsetkishten 8,3 paıyzǵa artty.
Bul týraly búgin Atyraý oblystyq ákimdiginde ótken kezekti jumys otyrysynda belgili boldy, dep habarlaıdy QazAqparat.
Baıandama jasaǵan Atyraý oblystyq aýyl sharýashylyǵy jáne veterenarııa basqarmasynyń basshysy Syrym Rysqalıev oblysta egin egý jumysynyń aıaqtalǵanyn atap ótti.
Onyń aıtýynsha, kókónister - 2 538 gektar aýmaqqa, baqsha daqyldary - 1 035 gektarǵa, kartop 2 023 gektarǵa, mal azyqtyq daqyldardary 2 808 gektarǵa egilgen. Jospardan tys 175 gektar alqapqa jemdik maqsatta paıdalanylatyn arpanyń egilgeni de belgili boldy.
Aımaq basshysy Nurlan Noǵaev aımaq turǵyndaryn arzan ári sapaly aýylsharýashylyq ónimderimen ýaqtyly qamtamasyz etýdiń mańyzyn aıtyp, bul baǵyttaǵy jumysty báseńdetpeýdi tapsyrdy.
"Egistiń eń birinshi ónimdiligin arttyrý, ony ýaqtyly jınap alyp, arzan baǵaman halyqqa tikeleı jetkizý, baǵany qymbattatpaý - basty meje", - dedi Nurlan Noǵaev.
