Atyraýda egis alqaptarynyń kólemi artty
ASTANA. QazAqparat - Bıyl Atyraýdaǵy egis alqaptarynyń kólemi 8237 gektarǵa jetip, byltyrǵy kórsetkishten 8,3 paıyzǵa artty, dep habarlaıdy ákimdiktiń baspasóz qyzmeti.
Bul búgin Atyraý oblystyq ákimdiginde ótken kezekti jumys otyrysynda belgili boldy.
Baıandama jasaǵan Atyraý oblystyq aýylsharýashylyq jáne veterenarııa basqarmasynyń basshysy Syrym Rysqalıev oblysta egin egý jumysynyń aıaqtalǵanyn aıtty. Onyń aıtýynsha, kókónister 2 538 gektar aýmaqqa egilgen, baqsha daqyldary 1 035 gektarǵa, kartop 2 023 gektarǵa, mal azyqtyq daqyldardary 2 808 gektarǵa egilgen. Jospardan tys 175 gektar alqapqa jemdik maqsatta paıdalanylatyn arpanyń egilgeni de belgili boldy.
Óńir basshysy Nurlan Noǵaev aımaq turǵyndaryn arzan ári sapaly aýylsharýashylyq ónimderimen ýaqtyly qamtamasyz etýdiń mańyzyn aıtyp, bul baǵyttaǵy jumysty báseńsitpeýdi tapsyrdy.
«Egistiń eń birinshi ónimdiligin arttyrý, ýaqtyly jınap alyp, arzan baǵaman halyqqa tikeleı jetkizý, baǵany qymbattatpaý - basty meje», - dedi Nurlan Noǵaev.
