Atyraýda eatyrau.kz elektrondyq qyzmetter portaly iske qosyldy
Eatyrau.kz portaly - Atyraý oblysy Geoportalynyń kishi júıesi. Jer qatynastary, sáýlet jáne qala qurylysy salasyndaǵy onlaın qyzmetterdi alýǵa jáne usynýǵa arnalǵan.
Ázirleýshilerdiń aıtýynsha, munaıly ólke turǵyndary qujatty, ruqsatty nemese maquldaýdy, ásirese jer ýchaskesin nemese qurylysty alatyn kezde kóp ýaqyt joǵaltpaıdy.
«Tsıfrlyq Qazaqstan» baǵdarlamasynyń arqasynda tsıfrlyq formatqa kóshirý jáne avtomattandyrý esebinen memlekettik qyzmetterdi kórsetý merzimin qysqartý maqsatynda Atyraý qalasynda Elektrondyq qyzmetter men servıster portaly iske qosyldy. eatyrau.kz portaly ótinish berýshige úıden nemese keńseden shyqpaı qyzmet alýǵa, ótinish berýge múmkindik berip qana qoımaı, qalanyń memlekettik organdary men kommýnaldyq uıymdary arasyndaǵy kelisý protsesin tolyǵymen avtomattandyrady. Osylaısha qujattardy jiberý jáne olardyń árqaısysynan jaýap kútý ýaqyty qysqarady», - deıdi «Alora IT Solutions» JShS bas dırektory Asqar Habıbýllın.
Aıta keteıik, qazirgi tańda portalda 16 memlekettik qyzmet kórsetilse, aǵymdaǵy jyldyń tamyz aıynda qurylysshylar Atyraý oblysynyń barlyq aýdandaryn qamtýdy josparlap otyr.